Seminariu nasional ho tema valoriza direitu ema ho defisiénsia liu-husi aloka rekursu ba implementa planu asaun nasional defisénsia 2021-2030 ho objetivu atu kontinua diskuti kestaun menus alokasaun rekursu ba implementasaun planu no prgrama sira ne’ebé Governu intrudus ona.
Seminariu ne’e abertura husi Sua Excellensia Vice Primeiro Ministro asuntu Sosial Sr. Mariano Asanami Sabino ne’ebé inisiu ho mensajen ida ne’ebé nakonu ho insiprasaun no motivasaun katak iha Timor-Leste la iha sidadaun ida ne’ebé konsidera hanesan INVALIDES ita hotu hanesan iha lei nia oin.
Alende mensajen husi Vice Primeiro Ministro asuntu social, Ministro Trasporte no Komunikasaun Sua Excellensia Sr. Miguel Marques Manutelo mos hato’o komitmentu Ministerio nian hodi implementa planu asaun nasional defisiénsia liu-husi asaun sira ne’ebé kabe ba Ministerio nia papel iha prosesu dezenvolvimentu nasional inklui mesnajen husi Primeira Sekretaria Embaxada Australia iha Timor Leste Sra. Fiona Meehan hodi hato’o komitmentu Governu Australia ba asuntu defisénsia iha Timor-Leste.
Orador ba iha seminario ne’e hanesan Parlamentu Nasional Komisaun A, Ministeriu Solidaridade Sosial no Inkluzaun, Ministeriu Edukasun diresaun Rekorente, Ministerio Transporte Komunikasaun, Ajensia ONU iha Timor-Leste no Sosiedade Sivil reprejenta Ra’es Hadomi Timor Oan (RHTO) no partisipante mai husi parseiru dezenvolvimentu ADTL nian tantu intituisaun Governu, Ajensia Internasional no nasional inklui organizasaun sira ne’ebé serbisu no tau matan ba ema ho defisénsia iha Timor-Leste.
Iha okaziaun hanesan hala’o mos lansamentu Video kona-ba asesu ema ho defisénsia ba karta kondusaun no lansamentu ba rampa ne’ebé Ministerio Trasporte Komunikasaun konstrui iha edifisiu MTK hodi fornese asesu ba ema ho defisiénsia.
Seminariu ne’e hala’o iha loron 4 Junhu 2024.
